如果大家對於媒體有興趣，應該都有留意CityU同BU有關嘅科系。今日我地主要睇下CityU創意媒體學院嘅科有咩分別啦！
🌟JS1041創意媒體學院SCM係讀一年先再揀major
係第一年會讀完基本既媒體知識，直到升Year 2 先根據個人興趣同成績，選擇major繼續升讀。當中包括📽文學士—創意媒體(BACM)，🕹理學士—創意媒體(BScCM)，同埋💡文理學士—新媒體(BAS)。三個學科嘅教學目標都係旨在啟發學生創意同善用媒體嚟進行創作🖌，區別只係在於媒體或者工具嘅運用，⽽而佢地嘅學習範疇都係藝術、設計以及創意媒體。跟住就等我同⼤大家講解⼀一下呢三科有咩分別啦！
📽️JS1042文學士—創意媒體(BACM)
BACM係開設咗最耐嘅一科，呢科包含傳統媒體嘅整合以及應用，例如以電影🎞、攝影📸及音樂🎼等三方面進行跨媒體創作，課程亦都會教授創作、批判理論同埋媒體藝術歷史等等嘅知識。BACM畢業嘅同學仔，好多都會從事電影、音樂、視覺藝術之類嘅範疇。亦有啲同學攞到英、美院校嘅獎學金，繼續進修藝術碩士課程。總括而言，一般出路都唔錯，而且都係有關藝術同媒體嘅發展！
🕹️JS1043理學士—創意媒體(BScCM)
BSsCM係由創意媒體學院同電腦科學系(CS)合辦，課程著重於將程式設計同電腦科技融入於藝術創作之中，當中包括電腦動畫💻、遊戲🎮、裝置藝術🗿以及互動媒體程式📱等。BScCM嘅畢業生就較多從事programme & software design 同埋遊戲開發嘅工作，即係比較技術性嘅工作。
💡JS1044文理學士—新媒體(BAS)
BAS強調以科技作為藝術媒介，除咗涉獵到傳統媒介之外，仲會加入自然科學🌳，例如生物學🧬、化學🧪、物理學🪐、數學📊、社會以及人文科學👨🏼🤝👨🏽等等嘅概念，並且將佢地應用喺藝術創作。
👭👬任何背景都讀得創意媒體學院！
SCM嘅課程其實適合任何學科 (包括理科) 背景嘅學生修讀。學院唔會假設學生入學之前已經識得拍片剪片、畫畫或者寫programme，而係喺學院第一年嘅基礎課程，訓練學生一啲基本技巧同埋培育個人創意。🤔💡
📑申請之前有乜要準備？
各位同學喺申請之前，要記得準備好profolio📋，因為學院會從作品集中睇到大家嘅個性、特質、對創作嘅熱誠🔥等等。而且，學院亦都會邀請部分申請者參加創意練習(Creative Exercise)，俾大家進一步展示創意。
今日就講咗creative media同new media讀咩，下一次我哋會講埋media and communication 係咩嚟！😚
(資料來源：香港城市大學)