除咗放榜前，放榜後都會有壓力。繼上次俾大家挽完【放榜前減壓小招式Bingo！】今次同大家分享一啲放榜後減壓嘅小tips，希望可以幫到你哋啦～
調整心情 計畫下一步 : 如果成績未如理想，唔好責備自己，或者不斷諗翻做得唔夠好嘅地方。雖然成績已成定局，但同學依然有可以控制嘅地方，嘗試盡快收拾心情，將焦點放係跟住落嚟可以做同應該做嘅事上面。
搵出要改善嘅地方 : 將今次挫折視為汲取教訓嘅機會，嘗試總結今次嘅經驗，搵出要改善嘅地方，俾自己有所得著。
期待人生新篇章 : 聯招改選之後，好好放鬆心情，盡情享受依家啱啱中學畢業、準備升學或投身社會嘅時刻。
維持良好生活習慣 : 健康飲食、有規律嘅作息、多做運動。感受到壓力嘅時後，可以做深呼吸同肌肉鬆弛嘅運動，有助紓緩緊張情緒。
尋找學習榜樣 : 面對逆境，可以請教有類似經驗嘅親友，亦可以參考一啲成功克服困難人士嘅經驗，學習點樣身處逆境仍然自強不息，點樣保持積極樂觀嘅心態，運用適切嘅應對方法同解難技巧，成功度過逆境。
抱有希望 : 在逆境中要保持樂觀，需要知道逆境都係人生中必經嘅階段，而逆境總有日會過去。有咗克服困難嘅經驗，將來我哋就可以話俾自己聽「之前嘅逆境都克服咗，日後仲有咩難關度過唔到？」
#hkstudent #hkdse #dse2024 #大學資訊日 #中學 #升學資訊 #升學輔導 #大專 #dse #2024dse #hkdse2024 #2024retaker #中學生 #DSE27771112 #前路規劃 #應試準備 #Studygrammer #hkDSEr #放榜 #減壓