🌟始終都係能力、興趣最重要
如果jupas放榜收到三大嘅「水泡科」offer，究竟讀唔讀好呢😣？其實我地實在非常超級強烈建議大家根據返自己嘅能力💪🏻同興趣🥰嚟揀科嘅。
「吓？！又講呢啲老土嘢？！」
等等先✋🏻～ 聽埋我解釋先！因為有興趣同有能力，先可以成為學習既動力㗎🔥！因為有興趣，所以會好有興致咁一路發掘落去👩🏻🔬；因為有能力，所以讀書帶嚟嘅唔只係負擔同壓力，更加多嘅係成功感🤓✨。
🌟讀「水泡科」常見issue ：讀讀下後悔，想轉科咁點算？！
身邊都不乏一啲讀讀下後悔然後想轉科嘅例子。你對住呢科又無興趣，又handle唔到嘅話，真係好難拎到好成績trans科㗎📉！最後有可能賠了夫人又折兵㗎。^_^
🌟三大未必係僱主唯一考慮因素！
雖然話出嚟工作有三大個名會比較吃香，但其實你嘅工作能力乃至大學分數同埋其他技能，通通都係僱主考慮嘅因素㗎💭〜而且，有啲科係某啲大學會比較出名，例如: 嶺南大學嘅中文系、浸會大學嘅傳理系⋯所以唔一定要讀三大㗎！👀
🌟「水泡科」你又知幾多？
有好多收分比較低嘅科，so called「水泡科」嘅科，例如某大學嘅工程⚙️、電子工程🔌、能源與環境工程學🌏等等⋯⋯好似幾科都好相近，實際讀啲乜、畢咗業嘅出路你又清唔清楚呢？如果淨係睇分睇學校揀科，未來嘅路都真係幾迷惘㗎😥呢到建議你地將有興趣嘅科放前啲，而「水泡科」就保守啲咁排喺A3相對後啲既位置。
如果真係唔知某啲好相似嘅科系有咩分別 (或者懶得去睇)，我地嚟緊會講下某啲熱門科系有咩分別🤓！
敬請留意‼️