DSE 失手，唔夠分讀大學？好多人都會揀讀副學士，再駁上大學。
但有人會話，讀完副學士之後，升唔到大學都搵唔到工作
呢個講法到底係咪真呢？咁到底副學位有啲咩出路？我哋可以由升學方面同埋就業去向睇下。
📗銜接學士學位（Top-up Degree）
銜接學士學位係專門讓副學位畢業生(Asso/HD)升讀既學士學位課程，並且一般會給予入讀學生一定程度既學分豁免，只用2年時間去完成學士學位，係課程規格、內容、畢業要求方面與其他學士學位沒有太大分別。而學費方面由一年7萬至15萬蚊不等。不過要留意課程有無經過政府資歷架構認證，通常八大本部既Top-Up Degree都有認證，而部分海外的Top-Up Degree則無經過政府資歷架構認證，會影響係香港學歷、就業既認受性。
📘政府資助學士學位（UGC-funded）
八所資助大學提供約5,000個高年級收生學額，為副學位畢業生提供銜接升學既機會。而八所資助大學的政府資助學費都為42,100一年。大部分課程入學要求著重副學位既GPA成績，也有部分課程十分看重面試表現。大部分政府資助學士學位都可由year3入學(有部分課程或需由year1或year2入學)，令副學位學生與經Jupas升學學生待遇一樣，四年完成全日制學士學位課程。
📕非本地學位
非本地既銜接學位由海外大學舉辦，但同學會留係香港上課。非本地學位課程係香港市場認受性較本地課程低，同學報讀前應考慮或做更多資料搜集課程係該行業既認受性。
📙就業去向
觀乎目前市場形勢，只是副學位畢業求職既話，揾工之路貌似難走，但其實相比起幾年前，職場上已經較認可副學位課程。招聘網中都不泛列出副學位畢業生可以申請既職位，部分工作要求學歷會同時將高級文憑、副學士及學士學位放在一起，換言之，副學位既畢業生已經有一啲工作既基本入場券，最後能否成功獲聘，都係睇返面試表現及能力。
最重要都係儘早了解自己既興趣同目標，先可以提早為自己規劃好升學就業路！