「CGPA 爆4 ?請食飯啦！」女孩既一班朋友歡呼。
女孩係讀心理學副學士，兩年入面連爆GPA，成功升上心儀學校，入咗中大心理學學士學位。
💪你必須要很努力，才能看起來毫不費力💦
女孩成功背後付出咗唔少汗水。雖然佢DSE成績夠入非八大學士學位，但鍾情心理學既佢，堅持選擇副學士，讀自己鍾意既科目，努力奮鬥上大學。讀副學士既兩年入面，眼見唔少同學因為方向朦糊或者覺得太辛苦，而選擇quit。佢覺得好無奈，但目標清晰既佢仍然繼續努力，實現夢想。
🗣口裏説不，身體卻很誠實👨
女孩媽媽係佢高中既時候過咗身，爸爸一開始亦都反對佢讀心理學。但係呢兩年，爸爸比女孩既鬥志感動，甚至爸爸主動幫佢交學費、印上堂notes，係派degree offer既時候緊張過女孩。
📔讀書唔係得一股蠻力就可以成功🧠
兩年內，女孩同一班有相同目標既同學組成study group。呢個溫書小組入面大家會互相幫助，當功課有唔明或者考試前夕，都會聚埋一齊問書。佢亦都唔怕醜，上堂嗰陣一有唔明白既地方，就會係chat room問老師。每次交功課之前，女孩都會主動約老師做consultation，提升自己功課質素，同時間提早做準備，唔做deadline fighter。
🏃看着標桿直跑，但都要停落嚟休息💨
除咗讀書之外，休息都好重要。女孩話最緊要係保持平常心，雖然付出同收穫未必次次都係對等，但只要盡咗力就問心無愧。如果太過chur自己，情緒會好容易崩潰。當自己讀到攰既時候，都會諗返讀呢科既初心。興趣係一個可以推動自己努力既因素，除咗升大學之外，我哋都要審視返自己對呢科既熱誠。如果對心理學無興趣既話，都好難有心去讀。
👱🏻女孩最後俾大家既小tips:💡
1）報非聯招課程（Non-jupas）既時候，若果經濟許可，就唔好慳錢，因為GPA成績屬中遊都有機會升上八大。
2）香港大學有三個課程選擇可以揀，但多數都會考慮你排第一既課程，所以要考慮清楚先排次序。
—————————————————
DSE升學專線：2777 1112
Whatsapp：6277 8899
Facebook：DSE 27771112
Instagram：dse 27771112