【大學學科 – 幻想與現實系列: 社工】

黎到本系列最後一科，今次我哋邀請咗喺香港大學讀緊社會工作嘅朋友仔為同學分享有關修讀社會工作學嘅經驗，破解同學嘅幻想同埋迷思！

幻想1：「讀完社會工作係咪就會識輔導人？」

現實： 輔導係社工curriculum嘅其中一部分但係出到黎做嘢都仲有好多其他範疇，可以係政策倡議或者開小組嗰啲相反輔導都唔一定要讀社工先學到～HKU為例全部學生都可以reg輔導嘅course做Free electives，更有唔少其他fac嘅同學minor/double major輔導㗎

幻想2：「讀呢科嘅人係咪一定係好有愛心？」

現實：未必㗎讀呢科嘅人心態各有唔同，未必個個都係因為愛心先讀不過呢份工作始終都好大程度上係以人為本，要對好多人事同社會百態所以如果你對社會現況/有需要人士個啲完全冇興趣，咁你會讀/做得好辛苦

幻想3：「讀社會工作係咪要係咁出實習同埋外展？會唔會好忙？」

現實： 實習係一定要嘅！外展係其中一項有機會要做嘅工作，主動去approach client，一定會比坐center辛苦不過都有人enjoy外展嘅社工Placement同普通intern 唔同係會由學校assign同計cred（所以gpa緊要架）唔同院校嘅實習requirement都唔同，有興趣知道嘅同學都可以再搵多啲資料

幻想4：「呢科嘅出路係咪得做社工、輔導？」

現實：因為讀完社會工作係會有一個註冊社工牌，所以基本上啱啱畢業都係會做翻社工嘅，但係都有人讀完發覺唔啱自己而做其他工作而輔導員係另一個職業嚟，輔導只係社工工作嘅一部分。但輔導員冇一個專業嘅牌照，所以基本上讀完社工都唔會走輔導員呢項工作，因為如果想專門做輔導，做社工都可以做到亦都聽過有人做幾年社工就會報clinical psychology嚟讀

幻想5：「讀完出黎係咪會好難搵工？」

現實：呢個可以肯定話唔難因為社工涉及嘅範疇好廣，無論政府（社會福利署）/NGO/社企都有機會需要不過搵唔搵到你想做嘅field係另一回事，要知道除咗大學有得讀社工，仲有唔少讀完社會科學學士嘅同學master社工，同埋High dip，Asso都有開社工，所以每一屆都有唔少人

唔知今次嘅分享幫唔幫到一啲想修讀社會工作嘅同學呢？如果有興趣知道更加多，同學都可以上網再搵多啲資料，或者直接詢問師兄師姐㗎

如果同學對排JUPAS有疑問，或者因為就快放榜有啲緊張想搵人傾計，歡迎打過黎我哋嘅熱線搵我哋傾吓㗎！