【大學學科 – 想像與現實系列】
又去到中六同學選科嘅時候啦！😝唔知同學有冇對一啲大學嘅科目充滿想像呢？💭收集咗同學嘅諗法，今次我哋邀請咗喺城市大學讀緊政政（主修公共政策）嘅朋友仔為同學分享有關修讀政政嘅經驗，破解同學嘅想像同埋迷思！🌟
想像1：「係咪會就住政治不停Debate同寫文？」
現實：因為會就住不同持分者嘅意見嚟看待嗰件事／政策等，其實過程都無可避免會debate😗例如有時要諗到底個政策道唔道德，過程好似讀哲學咁要就住唔同理論嚟debate ，從中訓練到個思維，好得意㗎😚😚
想像2：「係咪淨係讀啲政策同埋政治嘢？」
現實：部份正確啦😙其實政策都關好多嘢事，例如Law、科技、經濟等等，有時會讀咩都有機會學到！以城大政政為例，會分Stream 揀政治、政策、城市研究(課程將有改動)，如果揀政策，甚至要讀埋少少HR嘅課程🤓
想像3：「係咪要睇好多新聞、好了解政治㗎?」
現實：部份正確啦😗 其實依家有咩唔識都可以上網搵資料 ，其實都唔使咁驚🤪
想像4：「政政嘅出路係咪得從政或者做公務員？」
現實：其實唔係🥸唔同界別同背景嘅人都可以從政同做公務員，好似功能組別咁都有醫學界啦~ 因為政政係general 科目，所以除咗從政同公務員之外都可以做NGO，唔少同學都轉咗做HR、Marketing等行業🙌🏻
唔知今次嘅分享幫唔幫到一啲想修讀政政嘅同學呢？😝以上資料只供參考～如果有興趣知道更加多，同學都可以上網再搵多啲資料，或者直接詢問師兄師姐㗎😚
如果同學對排JUPAS有疑問，或者因為就快放榜有啲緊張想搵人傾計，歡迎打過黎我哋嘅熱線搵我哋傾吓㗎！📞😆