【大學學科 – 想像與現實系列】
又去到中六同學選科嘅時候啦😗唔知同學有冇對一啲大學嘅科目充滿想像呢？💭收集咗同學嘅諗法，今次我哋邀請咗喺香港大學主修心理學嘅朋友仔為同學分享有關修讀心理學嘅經驗，破解同學嘅想像同埋迷思🌟
想像1：「心理學偏文科? 淨係要睇文同背野? 」
現實：心理學其實文理都要讀，除咗要讀好多理論同人哋做嘅研究之外，仲要讀統計學，學識點樣分析數據同計數，最後亦都會學習點樣設計同做研究㗎😎
想像2：「讀心理學係咪識讀心㗎?」
現實：我地其實真係唔識亦無學有關讀心術嘅知識，所以可以放心同心理學嘅同學傾計🤣
想像3：「唔識讀心，識睇面部表情同身體語言啦掛?」
現實：我哋都係無學呢方面嘅知識！但「行為」係心理學其中一個重要研究範疇，例如我地會讀形成行為背後嘅原因、行為可否透過訓練形成等😆
想像4：「讀心理學係咪搵唔到工㗎？」
現實：其實修讀心理學嘅同學嘅出路可以好廣🥸唔同工作介別都可以見到心理學畢業生，例如商界、人力資源管理、NGO等💼
想像5：「咁讀完心理學係咪可以直接做心理學家，又或者係社工？」
現實：唔係㗎😙 如果淨係讀心理學係唔可以做社工㗎，想做社工要讀social work嘅學位先得！而心理學家亦有不同類型，例如臨床心理學家(clinical psychologist)、輔導心理學家(counselling psychologist)、教育心理學家(educational psychologist)等，但都要有該專科嘅碩士或以上學位先符合資格㗎😎
唔知今次嘅分享幫唔幫到一啲想修讀心理學嘅同學呢？😚以上資料只供參考～如果有興趣知道更加多，同學都可以上網再搵多啲資料，或者直接詢問師兄師姐㗎🤓
如果同學對排JUPAS有疑問，或者因為就快放榜有啲緊張想搵人傾計，歡迎打過黎我哋嘅熱線搵我哋傾吓㗎！📞🤭