【放鬆方法有好多種，緊有一種啱你】
早來既暑假令大家無所適從，作為今年DSE考生係準備考試時可以點樣放鬆自己既心情？以下將分享3個方法，有動態既同靜態既，睇下邊一個方法啱自己。
1.隨心寫作 : 寫作係一種自我放鬆既過程，等我地了解自己既內心世界、想法同感受。寫作既時侯，要俾自己沉澱係屬於個人既空間，當過程有任何想法或感覺出現時，就用筆記錄落嚟。並無對與錯，只有你最真實既感覺。
2.呼吸練習 : 透過呼吸換氣，感受自己身體既狀態。我地可以嘗試搵一個安靜既角落，用10到15分鐘時間，感受自己一呼一吸既過程，專注自己呼吸頻率同深度，以達致放鬆既效果。好似有啲抽象，其實就係心無雜念，吸氣呼氣慢慢嚟。
3.拉筋運動 : 平時如果溫書溫到眼瞓，可以試下做一啲拉筋運動，等自己放鬆一下。身體又可以放鬆，做既時候可以播下純音樂，帶自己進入一個放鬆既狀態，relax!!