我真喺好掛住以前全日上堂嘅日子呀! 依加番半日學，其實根本無時間同同學老師相處下、講下嘢，因為之後再要九秒九衝返屋企zoom上堂。一個人對住個螢幕，老師把聲係我耳邊飄過，回過神嚟，原來已經過咗一大半堂⋯⋯我只係想身邊有個人，係我游魂嘅時候拍吓我膊頭，借筆記比我抄返，嗰種互相支持嘅日子。
唔知有無人有同感，喺屋企無論上堂定溫書，一個人就會特別無精神！個人真喺好難集中專心，一喺攤上張床到，一喺想食嘢，總之就會浪費咗成個下晝。個感覺同氣氛對比有人喺身邊真喺好唔同㗎！本來都可以同同學一齊去自修室溫書，有咩唔識都可以問下佢地，點知自修室喺疫情之下都閂埋，大家都居家抗疫，只能夠一個人係屋企溫書。
雖然「一個人原來都可以盡興」，但比起一個人孤軍作戰，我更加想多啲見下同學同埋老師⋯⋯
臨近聖誕，小編喺呢到都想關心下中六既dser，同你地講聲加油。一個人獨處耐咗，你哋可能會喺屋企上堂、做paper或者攤係床嘅時候，多咗好多煩惱同思考，另一個角度睇，都喺一個機會比自己「安靜沉澱」，再慢慢安排好之後嘅時間，專注你認為值得嘅事情上。係依段難捱既日子，如果你都想搵個伴，可以聽你呷下、比啲精神上嘅鼓勵你，歡迎你隨時搵我地，等我地一齊圍爐取暖，渡過DSE啦！
—————————————
DSE升學專線：2777 1112
Whatsapp：6277 8899 (Utouch)
Facebook：DSE27771112
Instagram：dse27771112