有人話，中學識到嘅朋友，會係一世嘅朋友。但喺，永遠都好似要嚟到最後一年，先慢慢體會到呢一句喺咩意思。
以前幻想嘅中六，都會有個大約嘅時間表，不外乎喺開學、上堂、補課、測驗、考試、操卷、last day、study leave、DSE、謝師宴、畢業禮。但喺而家可能連聽日洗唔洗返學都唔知，亦即喺每一日，都可能會Last Day。
有時會諗，如果聽日突然緊急停課，我喺呢六年，到底帶走咗啲咩？第時畢咗業，學人地「想當年」嘅時候，我又會諗起啲咩畫面？會唔會係，小息一齊鬥快做完數、Lunch 成班一齊打波、放學無間地獄咁補課、為咗啖氣同同學打交之後記小過、暗戀咗好耐但一直都無表白嘅佢，定喺⋯⋯每日喺屋企對住冷冰冰嘅Mon上Zoom ，咁就 “this is the end of my secondary school life”。
眨下眼，已經嚟到十二月，咁難過嘅2020年都將會過去，時間永遠都唔等人。疫情可以喺停滯嘅理由，但用得多都會變藉口，所以，如果仲有想捉緊中六尾巴嘅諗法，仲有想喺中學做嘅事、想維繫嘅關係、想一齊創造嘅回憶，唔好諗啦！去啦！因為，你唔會知道，仲剩返幾多喺學校同隔離位，一齊讀書、一齊癲嘅日子。好好珍惜，先唔會可惜。
如果呢刻嘅你，睇完都有感而發，不如inbox 我地，話我聽，你最想留住嘅喺邊個moment？