【大學學科 – 想像與現實系列: 酒店及旅遊管理】

    
【大學學科 – 想像與現實系列】

又去到中六同學選科嘅時候啦😗唔知同學有冇對一啲大學嘅科目充滿想像呢?💭收集咗同學嘅諗法,今次我哋邀請咗喺理工大學主修酒店及旅遊管理嘅朋友仔為同學分享有關修讀酒管嘅經驗,破解同學嘅想像同埋迷思🌟

 

想像1:「係咪要出好多實習㗎?」

現實:要睇翻院校嘅要求~以PolyU嘅酒店及旅遊管理為例,同學實習半年就夠!而其他國家啲hotel man學生有啲都係實習3-6個月左右😎

 

想像2:「出實習嘅時候係咪會好辛苦?」

現實:呢個真係睇地方同部門~以Food & Beverage為例,就一定係相對辛苦少少不過大部分公司長工通常都會錫住intern,intern嘅工作量會少過長工好多

想像3:「係咪要讀好多有關管理嘅理論?」

現實:係~例如點樣管理human resource,點樣維持service quality 等等🏨但係都會學一啲比較Practical嘅嘢,例如Food&Beverage會學點樣沖咖啡點樣調酒🍻

 

想像4:「讀完酒管出到嚟一定係喺酒店做?」

現實:都唔一定🥸Hotel man屬於business科,會讀marketing, HR嘅知識~所以出到黎可以做酒店以外其他公司,好似PR, Event Management等嘅工作😝

 

想像5:「讀完酒管出到嚟係咪會好難搵工?」

現實:要睇吓邊個department同市場狀況~因爲市場對唔同department嘅人才需求都有啲唔同!例如Food and Beverage就相對應該唔太難😎但有啲部門(如Administrative department)就相對難啲😶‍🌫️

 

唔知今次嘅分享幫唔幫到一啲想修讀酒管嘅同學呢?😚以上資料只供參考~如果有興趣知道更加多,同學都可以上網再搵多啲資料,或者直接詢問師兄師姐㗎🤓
如果同學對排JUPAS有疑問,或者因為就快放榜有啲緊張想搵人傾計,歡迎打過黎我哋嘅熱線搵我哋傾吓㗎!📞🤭