又去到中六同學選科嘅時候啦！😝唔知同學有冇對一啲大學嘅科目充滿想像呢？💭收集咗同學嘅諗法，今次我哋邀請咗喺香港中文大學讀緊理學嘅朋友仔為同學分享有關修讀理學嘅經驗，破解同學嘅想像同埋迷思！🌟
想像1：「如果中學冇讀過理科會唔會好吃力？」
現實：都唔會嘅😗因為同學會先讀啲入門嘅Introductory courses去build up啲概念🥸唔會一開始就讀啲好難嘅嘢！只要你有好嘅邏輯同sense, 就算DSE無讀理科，大學嘅嘢都不難理解😋
想像2：「如果英文唔好，讀理學係咪唔會有太大問題？」
現實：相對其他文科，理學對英文嘅要求可能會比較低😉但係都唔可以太差，因為你要睇嘅paper同readings都係英文嘅功課同寫文都係用英文嘅～Professor都係用英文上堂，所以英文都唔可以太差🧐
想像3：「係咪要計好多數？」
現實：咁就要睇吓同學讀咩範疇啦😎例如如果你讀Math/physics/stat就要計多啲數，而Chem都計唔少數㗎！例如同學要計一啲Reaction rates同kinetics等等📊如果你讀Bio嘅話，數係比較少，但係以中大為例，同學Year1都係要讀 Physics同Chem㗎🤓
想像4：「係咪成日都要去實驗室做實驗？」
現實：咁都要睇吓同學讀咩範疇🤩以中大為例，大約平均Year1到3，會有4/5個Lab course，每個Lab course 就大概一個禮拜去四個鐘左右Lab，Year 4 如果你唔做Final Year Project就可能無Lab～但真係要睇同學讀乜範疇, 有啲可以係一年每個禮拜都有10個鐘去Lab㗎🧪所以都係自己check吓你想讀個programme嘅條件啦🤪
想像5:「讀完出嚟會唔會好難搵工？」
現實：唔係㗎～讀理學其實出路都好廣，例如包括researcher、老師，同埋其他範疇嘅analyst，讀Bio/Chem可以做醫療/生物科技嘅嘢，Chem 可以讀材料化學/有機合成，有好多工業應用㗎🏭Phy/Chem/Bio都可以做埋唔同範疇嘅engineering，Math/stat都可以做數據分析，或者去幫啲公司發展啲數據模型👩🏻💻👨🏻💻去做天文台、野生生物保育、環境數據分析等都可以👀
唔知今次嘅分享幫唔幫到一啲想修讀歷史嘅同學呢？😝以上資料只供參考～如果有興趣知道更加多，同學都可以上網再搵多啲資料，或者直接詢問師兄師姐㗎😚
如果同學對排JUPAS有疑問，或者因為就快放榜有啲緊張想搵人傾計，歡迎打過黎我哋嘅熱線搵我哋傾吓㗎！📞😆