之前就同大家睇過CityU嘅Creative Media同New Media啦，但創意媒體學院要交profolio呢一點，好似會令好多人卻步💦。不過唔緊要！因為有一科都係關媒體事，要介紹比大家啊！嗱，BU傳理就好出名啦，但係你又知唔知CityU都有傳理讀？
🌟JS1106 Media & Communication 讀啲咩？
燈登💡！佢就係 JS1106 Media & Communication啦✨。呢科涵蓋嘅範疇好廣，除咗基本寫作🖊、拍攝📸同埋創作技巧💭，仲會有新聞理論、公關、電影製作、媒體法律、傳媒研究等等，同媒體有關嘅嘢基本上都會包涵到！而且同學可以根據返自己嘅興趣選讀社會科學、政治政策、語言等等嘅course，自由度十分高。
呢一科都係讀一年先揀major，有兩科可以選擇，分別係📺數碼電視及廣播(BATVB)同埋📡媒體與傳播(BAMDCM)，前者顧名思義係讀同電視相關嘅製作，例如新聞主播、電視廣告、或者幕後等等；而後者就讀媒體創作比較多，例如微電影、廣告製作、市場推廣等等。
(資料來源：香港城市大學)
🌟讀呢科係咪要用好多錢買器材架？
同學仔通常都會係邵逸夫創意媒體中心(CMC)到上堂(好多人去影靚相嗰到啊)，入面有好多資源🎥📷🎙供同學借用，例如有3D電視拍攝製作及控制室、廣告設計以及拍攝製作室，仲有一大堆器材，燈光、反光板、相機⋯⋯基本上同學仔唔洗擔心無器材用去做影相或者拍片嘅功課啦！
🌟申請之前有咩要準備？
呢科係唔需要交profolio，唯一要準備好就係✨語文能力✨啦！需要知道係呢科嘅收生分數，DSE中文、英文係有得乘1.25倍，因為始終係傳理系，都要求有番甘上下既語文同寫作能力㗎！
另外，呢科嘅考試雖然比較少，但係project就相對比較多📚同埋費時🧭，所以大家要衡量下自己負唔負擔得到啊！